Gróf skammbyssa

Gróf skammbyssa og Sport skammbyssa kvenna

Keppt er í grófri skammbyssu og sport skammbyssu á Olympíuleikum, heimsmeistaramótum, Evrópumótum, og norðurlandamótum. Hér heima er haldið Íslandsmót í greinunum auk innanfélagsmóta.

Aldur: 20 ár, Leyfi bundið við íþróttaiðkun

Byssur: fjölskota hálfsjálfvirkar eða "revolver". Cal .22 fyrir konur og 7.62 – 9,65 fyrir karla (Lágmarkshlaupvídd cal .32 er algengust) Heildarþyngd ekki meiri en 1400 gr og gikkþungi lágmark 1000 gr fyrir konur en 1360 gr fyrir karla. Hlauplengd má ekki vera meiri en 153 mm og á milli fram og aftursigtis má ekki vera lengra en 220 mm

Búnaður: Gleraugu, oft sérhönnuð skotgleraugu, Heyrnarhlífar, gjarnan sjónauki. skot, skotskífur.

Færi: 25 m.

Keppni: Í fyrri hluta keppni (skífa 1)er skotið 30 nákvæmnisskotum í 6, hrinum. 5 skot í hverri. Í þessum hluta hafa keppendur 6 mínútur til að ljúka við hverja hrinu. Stig fyrir hvert skot 0 - 10 stig

Í síðari hluta keppni (Skífa 2) fer fram svonefnd "duell" keppni. Sem fyrr er skotið 30 skotum í 6 hrinum. Duell fer þannig fram að skotskífan birtist í 3 sek og er það sá tími sem keppandi hefur til að hleypa að. Að loknum 3 sek hverfur skífan aftur í 7 sek og verður keppandi þá að láta byssuna síga niður á meðan sá tími líður.

Stig fyrir hvert skot 0 eða 5 – 10 stig

Samanlagður árangur úr báðum hlutum gefur endanlega niðurstöðu

Félög: Skotfélag Kópavogs, Skotfélag Reykjavíkur, Íþróttafélagið Leiftri, Skotíþróttaf. Baldur,Skotfélag Ólafsfjarðar, Skotfélag Akureyrar, Skotdeild Keflavíkur.

Keppnir: Íslandsmót í maí

Annað: Skotfæri fyrir cal .32 eru dýr og æfa því karlar undantekningarlítið með cal .22. Gjarnan keppt þannig að allir skjóta cal .22

Þetta eru allt löglegar byssur í þessa keppni

Hamraborg 5 - 200 Kópavogi - (Iceland) Sími +354 544 8790 Fax +354 544 8795 Rafpóstur (email) isnes(hjá)isnes.is